“Lider” telekanalı aprelin 17-də “Azadlıq” qəzetinin əməkdaşı Aqil Xəlilin müəllimləri ilə bağlı süjet yayımlayıb.
Süjetdə müəllimlərin özləri görünsə də, onların nə danışdıqları efirə verilməyib. Kadr arxasında danışan şəxs isə müəllimlərin guya jurnalisti ittiham etdiyi barədə fikirlər səsləndirib.
“Azadlıq” qəzetinin bu günkü sayında verilən məlumata görə, sözügedən süjetdən hiddətlənən müəllimlər “Lider”in saxtakarlığına etiraz olaraq şikayət məktubu hazırlayıblar. Məlumatda o da bildirilir ki, yaxın günlərdə həmin məktub qəzetin redaksiyasına daxil olacaq və oxuculara təqdim olunacaq.