Aprelin 17-də Parisdə Demokratik Medianın İnkişafı üzrə Avrasiya Regional Forumu öz işinə başlayıb.
Foruma ATƏT-in media azadlığı üzrə xüsusi nümayəndəsi Mikloş Haraşti də qatılıb. “Avrasiya regionunda mediaya qarşı gözlənilən təhlükələr” mövzusunda çıxış edən Haraşti Avrasiya məkanında KİV sahəsində vəziyyətin yaxşı olmadığını deyib. Xüsusi nümayəndə konkret oaraq Azərbaycanda medianın vəziyyətinə münasibət bildirib: “burada hakimiyyət sovet üsullarından istifadə edərək arzuolunmaz jurnalistləri narkotik maddə saxlanması, terrorla hədələmə və xuliqanlıq kimi uydurma maddələrlə həbs edir”.