Azərbaycanda dövlət qurumlarının mətbuat xidmətlərinin nümunəvi əsasnaməsi hazırlanır.
Bu barədə Prezident Aparatının ictimai-siyasi şöbəsinin müdir müavini Nazim İsayev “Olaylar” İnformasiya Agentliyinə açıqlamasında deyib. İsayev bu sənədin mətbuatla dövlət orqanları arasında əlaqələrin sivil şəkildə qurulması və qarşılıqlı etimadın yaradılması məqsədi daşıdığını bildirib. İsayevin sözlərinə görə, mətbuat xidmətlərinin fəaliyyət prinsipləri, onların kütləvi informasiya vasitələri ilə iş mexanizminin əsasları kimi məsələlər əsasnamədə yer alacaq.