Milli Televiziya və Radio Şurası (MTRŞ) Azərbaycanın milli tezliyində yayımlanan 12 radio kanalının monitorinqinə başlayır.
MTRŞ-nın analitik ekspertiza və proqramlaşdırma şöbəsinin müdiri Təvəkkül Dadaşov APA- ya açıqlamasında bildirib ki, monitorinqin keçirilməsində məqsəd “Televiziya və Radio yayımı haqqında” qanunun tələblərinə, milli- mənəvi dəyərlərə, Şuranın qəbul etdiyi normotivlərə, hüquqi aktlara radio kanallarının hansı səviyyədə əməl etməsini öyrənməkdir. Sabahdan (15 aprel) etibarən başlanılan monitorinqin radio kanalları arasında növbəliliklə aparılacağını deyən T.Dadaşov monitorinqin bu həftə “Space”, “Azad Azərbaycan”, “ANS ÇM” radio kanallarında aparılacağını vurğulayıb: “Monitorinqin nəticələri MTRŞ-nın gələn həftə keçiriləcək iclasında müzakirə olunacaq”.