Müsavat Gənclər Təşkilatının fəalı Emil Elmanlıya hədələyici zənglər gəlib.
Bu barədə Reportyorların Azadlıq və Təhlükəzizlik İnstitutuna (RATİ) Müsavat Gənclər Təşkilatının sədri Tural Abbaslı məlumat verib. O, bildirdi ki qurumun internet səhifələrindən olan “facebook” səhifəsi 4-cü dəfədir ki bağlanıb. Saytı yaradan Emil Elmanlıya isə hədə-qorxu dolu zənglər gəlir və onu ölümlə hədələyirlər. “Emilə zəng edən şəxs sayt bərpa olunacağı təqdirdə onu ciddi problemlər gözlədiyini deyib. Həmçinin digər saytlarımızda səhifələrin yenilənməsinin də çətinləşib” – deyən T.Abbaslı, məsələ ilə bağlı Daxili İşlər Nazirliyinə müraciət etdiklərini vurğuladı.