Şənbə günü (14 iyun) qohumları 2 saylı Cəzaçəkmə Müəssisəsində cəza çəkən "Bizim yol" qəzetinin əməkdaşı Müşfiq Hüseynovla görüşüblər. Bu barədə məlumatı Reportyorların Azadlıq və Təhlükəsizlik İnstitutuna (RATİ) Cavidan Hüseynov verib.
Müalicəsinin artıq başa çatmaq üzrə olduğunu deyən C. Hüseynov onu da bildirib ki, M. Hüseynovun saxlanma şəraitindən və ona qarşı olan münasibətdən narazı deyil.
Xatırladaq ki, Müşfiq Hüseynov Cinayət Məcəlləsinin 311.1-ci maddəsi (rüşvət alma) ilə ittiham edilərək Ağır Cinayətlərə Dair İşlər Üzrə Məhkəmənin hakimi Camal Ramazanovun 21 yanvar 2008-ci il tarixində çıxardığı qərara əsasən 6 il müddətinə azadlıqdan və 2 il müddətinə jurnalist fəaliyyəti ilə məşğul olmaq hüququndan məhrum edilib. Bakı Apellyasiya Məhkəməsinin hakimi Sahibxan Mirzəyevin 04 aprel 2008-ci ildə çıxardığı qərara əsasən jurnalistin həbs müddəti bir il azaldılaraq, beş ilə endirilib.