“İnsan Hüquqları və Mətbuatın Monitorinqi” ictimai birliyinin dövlət qeydiyyatına alınması ilə bağlı Naxçıvan Muxtar Respublika Ədliyyə Nazirliyinə göndərdiyi sənədlərə 2 aydan artıq vaxt keçməsinə baxmayaraq cavab verilmir.
Bu haqda məlumatı Reportyorların Azadlıq və Təhlükəsizlik İnstitutuna (RATİ) təşkilatın sədri Həkimeldostu Mehdiyev bildirib. “Təşkilatın qeydiyyata alınması üçün Naxçıvan Ədliyyə Nazirliyinə etdiyimiz müraciətdən 2 aydan artıq vaxt keçməsinə baxmayaraq, hələ də bizə cavab göndərməyib. Bu müddət ərzində təsisçilər nazirliyə bir neçə dəfə müraciət etsələr də, hər dəfə nazirlikdən bir neçə gün ərzində cavab veriləcəyi bildirilib. Təşkilatın qeydiyyata alınması qəsdən yubadılır və qeydiyyata alınıb alınmaması haqda məlumat verməkdən imtina edilir ” – deyə H.Mehdiyev bildirib ki, bu səbəbdən təşkilat Naxçıvan Muxtar Respublikası Ədliyyə Nazirliyini məhkəməyə verəcək.
Xatırladaq ki, “İnsan Hüquqları və Mətbuatın Monitorinqi” ictimai birliyi bu ilin may ayının 5-də təsis edilib və 20 may 2010-cu il tarixdə dövlət qeydiyyatına alınması üçün sənədlər Ədliyyə Nazirliyinə göndərilib.