Bu gün (22 iyul) Reportyorların Azadlıq və Təhlükəsizlik İnstitutunun təşəbbüsü ilə Fəxri Xiyabanda Milli Mətbuat Günü münasibətilə Azərbaycan milli mətbuatın banisi Həsən bəy Zərdabinin, daha sonra 2-ci Fəxri Xiyabanda “Azadlıq” qəzetinin ilk baş redaktoru Nəcəf Nəcəfovun və “Monitor” jurnalının qətlə yetirilmiş baş redaktoru Elmar Hüseynovun məzarı ziyarət edildi.
Daha sonra Şəhidlər Xiyabanında uyuyan, Qarabağ müharibəsi zamanı cəbhədə reportaj hazırlayarkən qəhrəmancasına həlak olmuş milli qəhrəman adına layiq görülmüş jurnalistlər – Çingiz Mustafayevin, Fəxrəddin Şahbazovun, Alı Mustafayevin və Salatın Əsgərovanın məzarları ziyarət edildi. Ziyarətçilər mərhum jurnalistlərin məzarları önündə onların Azərbaycan jurnalistikasına verdiyi töhfələr eləcə də onların keçdiyi həyət yolu barədə nitq söylədilər.
Jurnalistləri yad edənlər – hüquq müdafiəçilərdən Arzu Abdullayeva , Leyla Yunus, “Turan” İnformasiya Agentliyinin direktoru Mehman Əliyev, RATİ əməkdaşları “Dalğa” Gənclər Hərəkatının üzvləri, Bizim Yol və Gündəlik Bakı qəzetinin müxbirləri olub.
Jurnalistləri yad edənlər – hüquq müdafiəçilərdən Arzu Abdullayeva , Leyla Yunus, “Turan” İnformasiya Agentliyinin direktoru Mehman Əliyev, RATİ əməkdaşları “Dalğa” Gənclər Hərəkatının üzvləri, Bizim Yol və Gündəlik Bakı qəzetinin müxbirləri olub.