Aprelin 2-də (Müxalifətin Bakıda şəhərin mərkəzində mitinq keçirdiyi gün)“Turan” İnformasiya Agentliyinə məxsus olan contact.az saytının fəaliyyətində müdaxilə olunmuşdu. Həmin məhdudiyyətlərin səbəbləri hələ də məlum deyil. Bu barədə bu gün (11 aprel) Reportyorların Azadlıq və Təhlükəsizlik İnstitutuna (RATİ) “Turan” İnformasiya Agentliyinin siyasi direktoru Şahin Hacıyev məlumat verib.
Ş .Hacıyevin sözlərinə görə, aprelin 2-də İctimai Palatanın keçirdiyi mitinq günü agentliyin saytında 6 saata yaxın fəaliyyət məhdudluğu yaşanıb və mitinq başa çatdıqdan bir neçə saat sonra saytın fəaliyyəti bərpa olunub.
Belə ki, aprelin 9-da “Trend” İnformasiya Agentliyinin internet səhifəsi haker hücumuna məruz qalıb. Bu barədə bu gün RATİ-yə “Trend” İA-dən məlumat veriblər.
Agentlikdən verilən məlumata görə, “Trend”-in texniki mütəxəssisləri problemi operativ surətdə aradan qaldırıblar, hazırda saytın istifadəçiləri üçün heç bir təhlükə mövcud deyil.