Azərbaycanda keçirilən ənənəvi Neft və Qaz sərgisində iştirakak edən Norveç nümayəndə heyətinin üzvü, Norveç Xarici işlər nazirinin müavini Eespen Barth Eide iyunun 7-də mərhim jurnalist, “Monitor” jurnalının redaktoru Elmar Hüseynovun qəbrini ziyarət edib.
Xarici qonaqla birgə ziyarətdə yerli jurnalist təşkilatlarının nümayəndələri, həbsdən təzə azad olunmuş jurnalist- “Gündəlik Azərbaycan” və “Realnıy Azərbaycan” qəzetlərinin baş redaktoru Eynulla Fətullayev, Elmar Hüseynovun atası Sabir Hüseynov və ictimaiyyətin nümayəndələri iştirak ediblər.
Eespen Barth Eide ziyarətinin Azərbaycanı müasir Avropa ölkəsinə çevirmək istəyən jurnalistlərə ehtiram məqsədi daşıdığını bildirb. Qonaq Azərbaycanda mətbuat azadlığının məhdudlaşdırılması, Elmar Hüseynovun qatilinin hələ də azadlıqda gəzməsiylə bağlı jurnalistlərin suallarını cavablandırıb. Sabir Hüseynov Elmarın ruhuna hörmət əlaməti olan ziyarətə görə norveçli qonağa təşəkkürünü bildirib.