Bu gün yayılan məlumatlara görə, yanvarın 1-dən etibarən rəsmi dövlət qəzetlərinin qiyməti bahalaşıb.
Qəzetlərin satış qiyməti 20 qəpikdən 30 qəpiyə qaldırılıb. Bu məsələni dəqiqləşdirmək üçün RATİ Milli Məclisin mətbu orqanı olan “Azərbaycan” qəzetinin şöbə müdiri İxtiyar Hüseynli ilə əlaqə saxlayıb. Hüseynli bildirib ki, “qəzet qiymətlərinin artımına mətbəə və qəzetin hasil olması üçün lazım olan digər xərclərin artması səbəb olub”. İ.Hüseynli onu da əlavə edib ki, qiymətləri qaldırarkən digər rəsmi dövlət qəzetləri ilə ümumi razılaşma əldə olunub. “Biz qiymət artımını hələ 2-3 ay bundan əvvəl planlaşdırırdıq. Qəzetlərin 20 qəpik civarında olması real deyil”.