Ombudsman Aparatının nümayəndələri dünən (06 iyun) Ədliyyə Nazirliyi Penitensiar Xidmətinin bir neçə cəzaçəkmə müəssisəsində məhbusların saxlanma şəraiti ilə bağlı monitorinq aparıblar və bəzi məhbuslarla da görüşüblər.
APA-nın Ombudsman Aparatının mətbuat xidmətinə istinadən yaydığı məlumatda bildirilir ki, aparatın nümayəndələri 17 saylı cəzaçəkmə müəssisəsində saxlanılan “Azadlıq” qəzetinin baş redaktoru Qənimət Zahidlə (Zahidov) də görüşüblər. Məlumata əsasən, Q. Zahid saxlanılma şəraiti ilə bağlı heç bir şikayətinin olmadığı bildirib.