Mayın 10-da ənənəvi “Gül bayramı”na etiraz aksiyası zamanı peşə fəaliyyətini yerinə yetirən “Azadlıq” radiosunun əməkdaşı Cavanşir Ağamalıyev mülki geyimli şəxslərin fiziki təzyiqinə məruz qalıb.
Bu barədə bu gün (11 may) Reportyorların Azadlıq və Təhlükəsizlik İnstitutuna (RATİ) jurnalistin özü məlumat verib.
C. Ağamalıyevin sözlərinə görə, dünən bir qrup müxalif yönlü gənc ağızları bağlı, əllərində “Biz “Gül bayramı” istəmirik, biz demokratiya istəyirik!” sözləri yazılmış plakatla Kukla teatrından Xalça muzeyinədək yürüş keçirərkən o çəkiliş aparıb.
“Çəkiliş zamanı özlərini təqdim etməyən mülki geyimli şəxslərdən biri “sən niyə çəkirsən?” deyərək mənə mane olmağa başladı. Kobud davranaraq əli ilə kameranı itələməyə çalışdı. Mən “Azadlıq” radiosunun əməkdaşı, jurnalist olduğumu bildirsəm də, onlar buna əhəmiyyət verməyərək qollarımı burdular, videokameranı əlimdən aldılar. Kasetdəki çəkilişi pozduqdan sonra kameranı özümə qaytardıalr”- deyə Ağamalıyev bildirib.