RATİ bu gün “Azadlıq” qəzetinin əməkdaşı Aqil Xəlilin döyülməsi ilə bağlı təhqiqat aparan Binəqədi rayonu 7-ci polis bölməsinin təhqiqatçısı Elnur Əliyevlə əlaqə saxlayıb.
Təhqiqat materiallarının Binəqədi Rayon Prokurorluğundan polis bölməsinə qaytarılmasının səbəbi ilə maraqlandıqda Əliyev bildirdi ki, materialların arasında ekspert rəyi olmadığından və jurnalisti döyən şəxslərin kimliyi müəyyən edilmədiyindən materiallar geri qaytarılıb. Təhqiqatçı onu da əlavə etdi ki, ” bu gün ekspertiza ilə əlaqə saxlamışam. Və mənə bildiriblər ki, sabah ekspert rəyi hazır olacaq. Həmin şəxslərin kimliyi də müəyyən edildikdən sonra işin Binəqədi Rayon Prokurorluğuna göndərilməsi gözlənilir”.