İFADƏ AZADLIĞI İLƏ BAĞLI İSTANBULDA 7-Cİ KONFRANS KEÇİRİLİB

oktyabr 14th, 2010
  Oktyabrın 9-u   və 10- da Türkiyənin İstanbul şəhərinin Bilgə Universitetində ifadə azadlığının durumu ilə bağlı 7-ci konfrans keçirilib. Konfransda  Norveç,  Filippin, ABŞ, Türkiyə, Rusiya, Ukrayna, Malayziya , Bolqarıstan, Gürcüstan, Hindistan, Böyük Britaniya, Azərbaycan və  İsveçrədən nümayəndələr iştirak edib.

Konfransın ilk günündə konfransa gələn qonaqlar öz ölkələrində ifadə azadlığının durumu ilə bağlı məruzələr ediblər və etdikləri məruzələr ətrafında konfrans iştirakçıları ilə fikir mübadiləsi aparıblar.
 Reportyorların Azadlıq və Təhlükəsizlik İnstitutunun (RATİ) sədri Emin Hüseynov Azərbaycanda ifadə azadlığının durumu ilə bağlı çıxış edib .Oktyabrın 10-u  davam edən tədbirdə  Türkiyədən olan iştirakçılar Türkiyədə ifadə azadlığının durumu ilə bağlı məlumat veriblər.
Konfransın yekununda  dünyanın tanınmış filosofu və linqvisti Noam Chomsky  “Dünyada mövcud olan demokratiya və  hüquqlar ” mövzusunda mühazirə ilə çıxış edib.
 Tədbir  “Article İnternational”  İfadə  Azadlığı Dərnəyi tərəfindən təşkil edilib və  tədbirə “Article İnternational Freemuse”, “Article 19”, “Human Rights Watch”, “İFEX (İnternational Freedom of Expression Exchange )” , “İndex on Censorship”, “İnternational Pen”, “İPA”  (İnternational Press Assocation  )  təşkilatları  dəstək verib.