“Demokratiyanın Müdafiəsinə Kömək” ictimai birliyinin sədri, hüquq müdafiəçisi Vidadi İsgəndərova qarşı xüsusi ittiham qaydasında qaldırılmış 3 iddia eyni icraatda birləşdirilib və Yasamal rayon məhkəməsinin hakimi Xaqani Tağıyevin icraatına verilib. Proses 2 iyun saat 16:00-a təyin edilib.
Dünən (17 may) Yasamal rayon Məhkəməsində hakim Abbas Rzayevin sədrliyi ilə Göyçay rayon Polis İdarəsinin rəisi Vüqar Məmmədyarovun və hakim Xaqani Tağıyevin sədrliyi ilə Göyçay rayon Polis Şöbəsinin inzibati təqiblər üzrə baş inspektoru Bəxtiyar Həşimovun iddiası üzrə keçirilən proseslərdə bu qərar qəbul edilib.
Qeyd edək ki, 11 may tarixində Göyçay rayon Polis Şöbəsinin istintaq bölməsinin rəisi Rüfət İbayevin iddiasına əsasən hakim Elçin Qurbanovun sədrliyi ilə keçirilən prosesdə də iddiaçı tərəfin vəsatətinə əsasən eyni qərar çıxarılmışdı.
Xatırladaq ki, iddiaçılar Göyçay rayon Polis İdarəsinin rəisi Vüqar Məmmədyarov, Göyçay rayon Polis Şöbəsinin inzibati təqiblər üzrə baş inspektoru Bəxtiyar Həşimov və Göyçay rayon Polis Şöbəsinin istintaq bölməsinin rəisi Rüfət İbayevin “Azadlıq” qəzetinin 2 aprel tarixli sayında “Polis məndən 3 min manat rüşvət alıb” adlı yazıda V.İsgəndərovun onlara böhtan atdığını hesab edərək, Cinayət Məcəlləsinin 147.2 (ağır və ya xüsusilə ağır cinayətdə ittiham etməklə böhtan atma) maddəsi ilə xüsusi ittiham qaydasında iddia qaldıraraq, cinayət məsuliyyətinə cəlb olunmasını istəyiblər.
Qeyd edək ki, 11 may tarixində Göyçay rayon Polis Şöbəsinin istintaq bölməsinin rəisi Rüfət İbayevin iddiasına əsasən hakim Elçin Qurbanovun sədrliyi ilə keçirilən prosesdə də iddiaçı tərəfin vəsatətinə əsasən eyni qərar çıxarılmışdı.
Xatırladaq ki, iddiaçılar Göyçay rayon Polis İdarəsinin rəisi Vüqar Məmmədyarov, Göyçay rayon Polis Şöbəsinin inzibati təqiblər üzrə baş inspektoru Bəxtiyar Həşimov və Göyçay rayon Polis Şöbəsinin istintaq bölməsinin rəisi Rüfət İbayevin “Azadlıq” qəzetinin 2 aprel tarixli sayında “Polis məndən 3 min manat rüşvət alıb” adlı yazıda V.İsgəndərovun onlara böhtan atdığını hesab edərək, Cinayət Məcəlləsinin 147.2 (ağır və ya xüsusilə ağır cinayətdə ittiham etməklə böhtan atma) maddəsi ilə xüsusi ittiham qaydasında iddia qaldıraraq, cinayət məsuliyyətinə cəlb olunmasını istəyiblər.