Bu gün (12 may) Bakı Apellyasiya Məhkəməsində hakim Abid Abdinbəyovun sədrliyi ilə “Azadlıq” qəzetinin baş redaktoru Qənimət Zahidin işi üzrə məhkəmə prosesi keçirilib
Proses dövlət ittihamçısı Qüdrət Nəsirovun çıxışı ilə başladı. Q. Nəsirov çıxışında Yasamal Rayon Məhkəməsinin Q. Zahidovun barəsində çıxardığı hökmü tam ədalətli hesab edərək hakimdən hökmü qüvvədə saxlamağı xahiş etdi. O, bildirdi ki, istintaqda Vüsal Həsənovun tibbi müayinədən keçirilməsi zamanı mexaniki səhv nəticəsində V. Həsənovun xəstəxanaya qəbul olunma tarixi ilə rentgendən keçmə tarixi dəyişik düşüb.
Bundan sonra hakim müşavirəyə yollandı və prosesi sabah (13 may) saat 11:00-a təyin etdi.