Bu gün (11 dekabr) “Üç nöqtə” dərc olunmayıb.
Buna səbəb "Üç nöqtə" qəzetinin redaksiyasının qarət olunmasıdır. Belə ki, dekabrın 10-da qəzet redaksiyası qarət olunub. Qarət nəticəsində redaksiyadan beş monitor və bir printer oğurlanıb. Faktla bağlı RATİ-yə məlumat verən qəzetin baş redaktor müavini Şahin Əliyevin sözlərinə görə, hadisə ilə bağlı Yasamal rayon Polis İdarəsinin əməkdaşları araşdırmalara başlayıblar. Artıq hadisə yerinə baxış keçirilib, hadisə yerindən əl-barmaq izləri götürülüb.
Əliyev qəzetin fəaliyyətinin bərpa edilməsi üçün artıq üç monitorun alındığını və qəzetin sabahdan (12 dekabr) çap olunacağını qeyd etdi. Onun sözlərinə görə, hazırda qəzet online rejimində fəaliyyət göstərir.