Bu gün (17 iyul) Nəsimi rayon Məhkəməsində hakim İkram Şirinovun sədrliyi ilə “Azadlıq” qəzetinin əməkdaşı Aqil Xəlilin “Zeytun bağı” adlanan ərazidə döyülməsi faktı ilə bağlı jurnalistin qaldırdığı iddia təmin edilməyib.
Bu barədə RATİ-yə məlumat verən jurnalistin vəkili E. Sadıqovun sözlərinə görə qərardan Apellyasiya şikayəti veriləcək.
Xatırladaq ki, A.Xəlilin döyülməyi ilə bağlı foto şəkillər və video görüntülərin olmasına baxmayaraq Baş Prokurorluq jurnalistin “Zeytun bağı” adlanan ərazidə döyülməsi faktı üzrə başlanmış cinayət işinə mayın 21-də xitam vermişdi. Bundan narazı qalan jurnalist məhkəməyə müraciət edərək xitamın qeyri-qanuni hesab edilməsini və cinayət işinin yenidən açılmasını istəmişdi.
Xəlilin döyülməsini əks etdirən video:
Xəlilin döyüldükdən sonra verdiyi müsahibəni əks etdirən video: