Gələn aydan etibarən Azərbaycanda yeni telekanal fəaliyyətə başlaya bilər.
Bu barədə “Azadlıq” qəzetinin bu günkü (11 sentyabr) sayında məlumat verilir.
“Kanalın təsisçisi barədə hər hansı məlumat olmasa da, onun birbaşa hakim ailənin nəzarətində olacağı bildirilir. Deyilənə görə, kanalın adı da buna işarə edir. Yeni kanalın adı isə məlumata görə, “Nərgiz TV”dir”, – deyə “Azadlıq” qəzeti yazır.
Məlumatda o da bildirilir ki, hazırda yeni telekanalda işləmək üçün müxtəlif jurnalistlərə və peşəkarlara təkliflər daxil olub. Kanalın yaradıcıları oktyabrın ortalarına qədər onun sınaq efirini hazırlamağı planlaşdırırlar. İlk efirin isə ya oktyabrın 15-i prezident seçkiləri gününə, ya da prezidentin andiçmə mərasiminə salınması nəzərdə tutulur.