Dünən (01 dekabr) ATV kanalında yayımlanan "El içində" verilişinin çəkiliş prosesində insident baş verib.
“ANS-Press”-in müxbiri Vüqar Kamiloğlu müğənni Vasif Məhərrəmli tərəfindən fiziki təzyiqə məruz qalıb. ”ANS-Press”-in hüquqşünası Tofiq Hacıyevin RATİ-ə veridiyi məlumata görə, hadisəyə jurnalistlə müğənni arasında baş verən mübahisə səbəb olub. T.Hacıyev bildirib ki, müğənni V.Məhərrəmli jurnalistin üstünə atılaraq ona yumruq zərbələri endirməyə başlayıb. Hadisə ilə bağlı Yasamal rayon Polis İdarəsinə müraciət edildiyini bildirən hüquqşünas müğənni barəsində cinayət işi qaldırılacağına ümid etdiyini bildirib: ”V.Məhərrəmlinin əməlində cinayət tərkibi olduğu üçün polisə müraciət etdik. Yəqin ki, ilkin araşdırmalardan sonra V. Məhərrəmli haqqında cinayət işi qaldırılacaq”.
Baş vermiş hadisə ilə bağlı RATİ Yasamal Rayon Polis İdarəsi (RPİ) ilə əlaqə saxlayıb. Növbətçi hissənin Vəliyev soyadlı əməkdaşı Yasamal RPİ-yə faktla bağlı hər hansı bir şikayətin daxil olmadığını bildirib.
Baş vermiş hadisə ilə bağlı RATİ Yasamal Rayon Polis İdarəsi (RPİ) ilə əlaqə saxlayıb. Növbətçi hissənin Vəliyev soyadlı əməkdaşı Yasamal RPİ-yə faktla bağlı hər hansı bir şikayətin daxil olmadığını bildirib.