Bu gün (19 mart) Səbail rayon Məhkəməsində hakim Kəmalə Əmirxanovanın sədrliyi ilə bir qrup jurnalistin (Elçin Həsənov, Əfqan Muxtarlı, Natiq Ədilov) Səbail Rayon Polis İdarəsinin 39-cu polis bölməsinə qarşı iddiası üzrə məhkəmə prosesi keçirilib.
Məhkəmə prosesində iddiaçılardan E. Həsənov və onun nümayəndəsi Nurlana Əliyeva iştirak edirdilər. Qarşı tərəfin nümayəndəsi prosesdə iştirak etmirdi.
İddiaçı E. Həsənov çıxış edərək hakimdən iddianın təmin edilməsini xahiş edərək, iddiaları üzrə foto və video yazıları hakimə təqdim etdi. Hakim E. Həsənovun təqdim etdiyi sübutlarla tanış olmaq üçün vaxtın tələb olunduğunu bildirərək növbəti prosesi 2 aprel saat 15:30 təyin etdi.
Xatırladaq ki, adıçəkilən jurnalistlər 10 may 2009-cu ildə Səbail RPİ-nin 39-cu polis bölməsinin qarşısında fiziki təzyiqə məruz qalıb. Onlar Azərbaycan Dövlət Neft Akademiyasındakı silahlı basqında həlak olanlarla bağlı mətəm elan olunmamağına və “Gül bayramı”na etiraz edən bir qrup gəncin saxlanılması ilə bağlı məlumat əldə etmək üçün 39-cu polis bölməsinin qarşısında olarkən polislər tərəfindən döyülüblər. Jurnalistlər polisin hərəkətinin qanunsuz hesab edilməsi xahişi ilə məhkəməyə müraciət ediblər.
İddiaçı E. Həsənov çıxış edərək hakimdən iddianın təmin edilməsini xahiş edərək, iddiaları üzrə foto və video yazıları hakimə təqdim etdi. Hakim E. Həsənovun təqdim etdiyi sübutlarla tanış olmaq üçün vaxtın tələb olunduğunu bildirərək növbəti prosesi 2 aprel saat 15:30 təyin etdi.
Xatırladaq ki, adıçəkilən jurnalistlər 10 may 2009-cu ildə Səbail RPİ-nin 39-cu polis bölməsinin qarşısında fiziki təzyiqə məruz qalıb. Onlar Azərbaycan Dövlət Neft Akademiyasındakı silahlı basqında həlak olanlarla bağlı mətəm elan olunmamağına və “Gül bayramı”na etiraz edən bir qrup gəncin saxlanılması ilə bağlı məlumat əldə etmək üçün 39-cu polis bölməsinin qarşısında olarkən polislər tərəfindən döyülüblər. Jurnalistlər polisin hərəkətinin qanunsuz hesab edilməsi xahişi ilə məhkəməyə müraciət ediblər.