Dünən (22 aprel) “Azadlıq” qəzetinin redaksiyasına Azərbaycan Respublikası Prezident Administrasiyasından məktub daxil olub.
Bu barədə məlumatı Reportyorların Azadlıq və Təhlükəsizlik İnstitutuna (RATİ) qəzetin baş direktoru Azər Əhmədov verib. Prezidentin Protokol Xidmətinin Azərbaycan Respublikası birinci xanımının işlərinin təminatı sektorunun müdiri Altay Həsənovun imzaladığı məktubda qəzetin 20 aprel 2010-cu il tarixli sayında dərc edilmiş “Türkiyə ATV kanalından şok xəbər. Mehriban Əliyeva 100 min dollara portsiqar alıb” başlıqlı məlumatın həqiqətə uyğun olmayan böhtan xarakterli olduğu bildirilib. Həmin məlumatın Azərbaycan Respublikasının qanunvericiliyi ilə müəyyən olunmuş qaydada təkzib olunmasını və adı çəkilən şəxsdən üzr istənilməsi tələb edilib.
A.Əhmədov əlavə etdi ki, sözügedən məlumat Türkiyənin ATV telekanalına istinadən hazırlandığı üçün “Azadlıq” qəzeti heç bir məsuliyyət daşımır. “Məlumatda heç bir böhtan yoxdur. Əgər bu məlumat səhvdirsə, bunun üçün həmin reportajı hazırlayan telekanaldan təkzib istəməlidirlər. Biz “Azadlıq” qəzeti olaraq heç kimdən üzr istəmək fikrimiz yoxdur” – deyə A.Əhmədov bildirdi.
A.Əhmədov əlavə etdi ki, sözügedən məlumat Türkiyənin ATV telekanalına istinadən hazırlandığı üçün “Azadlıq” qəzeti heç bir məsuliyyət daşımır. “Məlumatda heç bir böhtan yoxdur. Əgər bu məlumat səhvdirsə, bunun üçün həmin reportajı hazırlayan telekanaldan təkzib istəməlidirlər. Biz “Azadlıq” qəzeti olaraq heç kimdən üzr istəmək fikrimiz yoxdur” – deyə A.Əhmədov bildirdi.