Avropa Şurası Parlament Assambleyasının iyunun 21-dən 24-ə kimi keçiriləcək yay sessiyası zamanı Azərbaycan üzrə həmməruzəçilər Andreas Herkel və Debono Qrexin hazırladıqları məruzənin ilkin variantı məlum olub.
Sənəddə media azadlığı və jurnalistlərin vəziyyəti ilə bağlı müddəalar da əks olunub.
Qeyd edilir ki, Assambleya Azərbaycanda həbsdə olmuş bir neçə jurnalistin azadlığa buraxılmasını alqışlayır, bununla belə, bəzi jurnalistlərin həbsdə saxlanılmasından narahatdır. Məruzədə Eynulla Fətullayevin həbsdə olması, Avropa İnsan Haqları Məhkəməsinin onun dərhal azadlığa buraxılması ilə bağlı qərarının olmasına baxmayaraq, hələ də azad edilməməsi, gənc bloggerlər Emin Millinin və Adnan Hacızadənin həbsə atılması narahatçılıq doğuran məqamlar kimi qeyd edilib. Eyni zamanda “Tolışi-Sədo” qəzetinin baş redaktoru Novruzəli Məmmədovun həbsxanada ölməsindən təəssüf bildirilir.
Qeyd edilir ki, Assambleya Azərbaycanda həbsdə olmuş bir neçə jurnalistin azadlığa buraxılmasını alqışlayır, bununla belə, bəzi jurnalistlərin həbsdə saxlanılmasından narahatdır. Məruzədə Eynulla Fətullayevin həbsdə olması, Avropa İnsan Haqları Məhkəməsinin onun dərhal azadlığa buraxılması ilə bağlı qərarının olmasına baxmayaraq, hələ də azad edilməməsi, gənc bloggerlər Emin Millinin və Adnan Hacızadənin həbsə atılması narahatçılıq doğuran məqamlar kimi qeyd edilib. Eyni zamanda “Tolışi-Sədo” qəzetinin baş redaktoru Novruzəli Məmmədovun həbsxanada ölməsindən təəssüf bildirilir.
Jurnalistlərin cinayət məsuliyyətinə cəlb edilməsinin mümkünlüyü də neqativ hal kimi qiymətləndirilib. Vəziyyətin yaxşılaşması üçün Assambelya Azərbaycan hakimiyyətini Fətullayevi dərhal azad etməyə, diffamasiya işlərinə görə jurnalistləri cinayət məsuliyyətindən azad etməyə və jurnalistlərin fəaliyyəti üçün tam şərait yaratmağa çağırır.