“525-ci qəzet”in baş redaktoru Rəşad Məcid sentyabrın 17-dən baş redaktor fəaliyyətini dayandırıb seçkilərdə hakim Yeni Azərbaycan Partiyasının namizədi, hazırkı prezident İlham Əliyevə vəkillik edəcək.
Bu məlumatı Məcid “Yeni Müsavat” qəzetinə müsahibəsində deyib. Onun sözlərinə görə, İlham Əliyevin vəkili olmaq təşəbbüsü ilə özü çıxış etməyib. Məcidin sözlərinə görə, bu təklif 15-20 gün bundan əvvəl YAP rəhbərliyindən daxil olub. Özü də təklif ona “525-ci qəzet”in baş redaktoru kimi yox, Azərbaycan Yazıçılar Birliyinin katibi kimi daxil olub.