AQİL XƏLİL YENİDƏN PROKURORLUĞA ÇAĞIRILIB

aprel 10th, 2008

“Azadlıq” qəzetinin əməkdaşı Aqil Xəlil bu gün (10 aprel) növbəti dəfə Baş Prokurorluğa çağırılıb.

Bu barədə RATİ-yə məlumat verən jurnalistin vəkili Elçin Sadıqov bildirib ki, Baş prokurora göndərilən şikayətlə əlaqədar araşdırma aparmaq üçün jurnalisti prokurorluğa dəvət ediblər. Aqil Xəlilə təzyiq olunması, şantaj edilərək ifadə alınması ilə bağlı məsələlərin araşdırılacağını deyən vəkil araşdırmanın Baş prokurorun köməkçisi Azər Əsgərov tərəfindən aparıldığını söyləyib.
Sadıqov onu da əlavə edib ki, Aqil Xəlil telekanalları və istintaq orqanını məhkəməyə verməyə hazırlaşır: ”sənədlər artıq hazırdır, Aqil onları imzaladıqdan sonra məhkəməyə təqdim edəcəyik”.