Dünən (19 avqust) vəkil İsaxan Aşurov Bakı İstintaq Təcridxanasında saxlanan Adnan Hacızadə ilə görüşüb. Bu barədə Reportyorların Azadlıq və Təhlükəsizlik İnstitutuna (RATİ) məlumat verən İ.Aşurovun sözlərinə görə A.Hacızadənin saxlanma şəraitindən və ona qarşı münasibətdən şikayəti yoxdur.
“Lakin istintaq araşdırmasının qeyri-obyektiv aparılması səbəbindən həm Adnan Hacızadə, həm də Emin Milli (Abdullayev) istintaqda iştirakdan imtina ediblər.
İ. Aşurov onu da bildirdi ki, avqustun 18-də Daxili İşlər Nazirliyi və Baş Prokurorluq tərəfindən gənc bloqçuların təqsirsizlik prezumpsiyasının pozulması haqda iddiaya baxmaqdan imtina etmiş Səbail rayon məhkəməsinin qərarından apelyasiya şikayəti verilib.
Vəkil RATİ-yə onu da bildirib ki, gənc bloqçulara valideynləri ilə görüşə hələ də icazə verilmir: ”Bununla bağlı Adnan Hacızadənin atası Hikmət Hacızadə şəxsi və ailə həyatına hörmət hüququnun pozulması ilə bağlı Səbail Rayon Məhkəməsinə şikayət verib. Bu şikayətlə bağlı hazırlıq iclası 24 avqust saat 10:30-a təyin edilib”.
Xatırladaq ki, Emin Milli və Adnan Hacızadə 8 iyul tarixində axşam saatlarında dostları ilə Bakıda “Lebonese” (Livan) restoranında yemək yeyərkən qonşu masada onların söhbətini dinləyən idmançı görkəmli iki nəfər təxribatçı hücum edərək, Emin Milli və Adnan Hacızadəni döyərək, onlara xəsarət yetirib. Zərərçəkmiş şəxs qismində şikayət etmələrinə və xəsarət almalarına baxmayaraq, Səbail RPİ onlara xəsarət yetirənləri sərbəst buraxmış və döyülən gənclərin 48 saat müddətinə şübhəli şəxs qismində saxlanmasına qərar vermiş, iyulun 10-da isə Səbail rayon məhkəməsi “xuliqanlıq” maddəsi ilə təqsirləndirilən gənclər barəsində 2 aylıq həbs-qətimkan tədbirinin seçilməsi ilə bağlı qərar çıxarıb. İyulun 20-də Apellyasiya məhkəməsi sözügedən qərarı qüvvədə saxlayıb. Hazırda hər iki gənc Bakı İstintaq Təcridxanasında saxlanılır.
İ. Aşurov onu da bildirdi ki, avqustun 18-də Daxili İşlər Nazirliyi və Baş Prokurorluq tərəfindən gənc bloqçuların təqsirsizlik prezumpsiyasının pozulması haqda iddiaya baxmaqdan imtina etmiş Səbail rayon məhkəməsinin qərarından apelyasiya şikayəti verilib.
Vəkil RATİ-yə onu da bildirib ki, gənc bloqçulara valideynləri ilə görüşə hələ də icazə verilmir: ”Bununla bağlı Adnan Hacızadənin atası Hikmət Hacızadə şəxsi və ailə həyatına hörmət hüququnun pozulması ilə bağlı Səbail Rayon Məhkəməsinə şikayət verib. Bu şikayətlə bağlı hazırlıq iclası 24 avqust saat 10:30-a təyin edilib”.
Xatırladaq ki, Emin Milli və Adnan Hacızadə 8 iyul tarixində axşam saatlarında dostları ilə Bakıda “Lebonese” (Livan) restoranında yemək yeyərkən qonşu masada onların söhbətini dinləyən idmançı görkəmli iki nəfər təxribatçı hücum edərək, Emin Milli və Adnan Hacızadəni döyərək, onlara xəsarət yetirib. Zərərçəkmiş şəxs qismində şikayət etmələrinə və xəsarət almalarına baxmayaraq, Səbail RPİ onlara xəsarət yetirənləri sərbəst buraxmış və döyülən gənclərin 48 saat müddətinə şübhəli şəxs qismində saxlanmasına qərar vermiş, iyulun 10-da isə Səbail rayon məhkəməsi “xuliqanlıq” maddəsi ilə təqsirləndirilən gənclər barəsində 2 aylıq həbs-qətimkan tədbirinin seçilməsi ilə bağlı qərar çıxarıb. İyulun 20-də Apellyasiya məhkəməsi sözügedən qərarı qüvvədə saxlayıb. Hazırda hər iki gənc Bakı İstintaq Təcridxanasında saxlanılır.