Bu gün (28 avqust) Yasamal rayon Məhkəməsinin hakimi Xaqani Tağıyevin sədrliyi ilə “Azadlıq” qəzetinin əməkdaşı Aqil Xəlilin Baş prokurorluğa, müstəntiq Əli Quliyevə və telekanallara (AzTV, “Lider”, “Space” və ATV) qarşı qaldırdığı iddia üzrə məhkəmə prosesi keçirilib.
Məhkəmə prosesdə də ATV, “Lider” “Space” habelə Prokurorluğun nümayəndəsi iştirak edirdi.
İlk olaraq Xəlilin vəkili Elçın Sadıqov çıxış edərək telekanallara jurnalistlə bağlı nümayiş etdikləri sujetlərin iddiaçı tərəfə təqdim olunmamğı ilə bağlı müraciətin cavabsız qaldığını dedi. Amma telekanalların nümayəndələri onlara hər hansı bir müracətin daxil olmadığı bildirdilər.
Bu mübahisəyə son qoyan hakim məhkəmə prosesinİ Xəllilə bağlı telekanallarda nümayiş olunmuş göruntulərin baxışı olmadan davam etdirdi.
Vəkil Sadıqov Prokurorluq tərəfindən telekanallara göndərilən video süjeti jurnalistin şəxsi həyatına müdaxilə, şərəf və ləyaqətin alçaldılması kimi qiymətləndirdi. O, həm bu hərəkətin, həm də həmin video süjetin telekanallar tərəfindən nümayiş etdirilməsinin yerli və beynəlxalq qanunvericiliyə zidd addım olduğunu bildirdi: “Gizli lent yazıları qanunvericiliyə görə yalnız 2 halda nümayiş etdirilə bilər: şəxsin özünün razılığı və ya məhkəmənin qərarı ilə. Lakin bu halda nə məhkəmə qərarı, nə də Xəlilin özünün razılığı olmayıb. Əksinə Xəlil ondan ifadələrin məcburi aldığını bəyan etdikdən və bu barədə protokol tərtib edildikdən sonra həmin video süjet telekanallara ötürülüb və yayımlanıb”.
Amma telekanallarının nümayəndələri iddianın mahiyyətini anlamadıqlarını və video süjetin istintaq tərəfindən onlara təqdim edildiyioni, onlarin da bu süjetləri cəımiyyəti məlumatlandırmaq məqsədiyə yaydıqlarını bildirdilər.
Tərəflərin çıxışından sonra qısa müddətə müşavirəyə gedən hakım, geri döndükdən sonra iddianın təmin edilməməsi haqqında qərar verdi.