AHF-NİN TƏSİSÇİLƏRİ ALİ MƏHKƏMƏNİN PLENUMUNA MÜRACİƏT EDİBLƏR

İyulun 29-da Azərbaycan Hüquqşünaslar Forumunun (AHF) təsisçiləri Ali Məhkəmənin Plenumuna müraciət ediblər. Ərizəçilər Avropa İnsan Hüquqları Məhkəməsinin qərarı əsasında işlərinin yeni açılmış hal üzrə baxılması üçün Ali Məhkəmənin Plenumuna çıxarılmasını tələb edirlər.

Bu barədə məlumatı ərizəçilərdən biri olan İntiqam Əliyev yayıb.
O, bildirib ki, Avropa Məhkəməsinin qərarı əsasında bu işə Ali Məhkəmənin Plenumunda baxılması üçün ölkə qanunvericilində müəyyən olunmuş müddət başa çatsa da, işə həmin qurumda hələ də baxılmayıb.
Xatırladaq ki, AHF 23 iyun 2003-cü ildə qeydiyyatına alınması üçün sənədlərini Ədliyyə Nazirliyinə təqdim etsə də, nazirlik təşkilatı nə qeydiyyata alıb, nə də qeydiyyata alınmadan imtina barədə cavab verib.
2004-cü ilin mart ayında AHF-nin təsisçilərindən bir qrupu  məhkəməyə müraciət ediblər. Ölkədaxili bütün instansiyalarda nəticə əldə edə bilməyən hüquqşünaslar 26 iyul 2005-ci ildə işi Avropa İnsan Hüquqları Məhkəməsinə şikayət göndəriblər.
Avropa Məhkəməsi 12 dekabr 2008-ci il tarixli qərarla Ərizəçilərin Konvensiyanın 11-ci maddəsi ilə təminat verilən birləşmək hüququnun pozuntusu barədə qərar çıxarıb.
Previous Post

HƏRBİ JURNALİST BAŞ PROKURORLUĞA ÇAĞIRILIB

Next Post

İNTİQAM ƏLİYEVİN VƏKİLLƏR KOLLEGİYASINA QARŞI İDDİASI ÜZRƏ MƏHKƏMƏ PROSESİ KEÇİRİLİB

Leave a Reply

Your email address will not be published.

Start typing to see posts you are looking for.