Cəzasının bitməsinə iki ay vaxt qalan “İdeal” qəzetinin baş redaktoru Əli Həsənov amnistiyaya düşüb. Bu xəbəri Reportyorların Azadlıq və Təhlükəsizlik İnstitutuna (RATİ) Ədliyyə Nazirliyi Penitensiar Xidmətinin rəis müavini Hüseyn Əlixanov verib.
Qeyd edək ki, Ə. Həsənovla mart ayının 22-də həyat yoldaşı Nərminə Həsənova görüşüb. Onun RATİ-yə verdiyi məlumata görə baş redaktorun səhhəti və saxlanılma şəraiti normaldır. N. Həsənova həmçinin onu da bildirib ki, Ə. Həsənov yaxın 10 gün müddətinə azadlığa buraxılacaq.
Xatırladaq ki, Ə. Həsənov Azərbaycan Respublikası Cinayət Məcəlləsinin 147.2 və 148-ci maddəsi ilə təqsirli bilinərək 2008-ci il noyabr ayının 14-də 6 ay müddətinə azadlıqdan məhrum edilib.