“Ölkə” qəzetinin redaksiyasına anonim nömrələrdən zənglər gəlib.
Bu xəbəri Reportyorların Azadlıq və Təhlükəsizlik İnstitutuna (RATİ) qəzetin baş redaktoru Rəfael Becanov verib. Baş redaktorun bildirib ki, redaksiyaya zəng vuran naməlum qadının qəzetin bu günkü (12 fevral) sayında dərc olunan “Kəmaləddin Heydərovun kadrları vurulur” başlıqlı məqalənin müəllifini xüsusi olaraq axtarması qəzet kollektivini narahat edir. R. Becanov onu da qeyd edib ki, naməlum qadın yazının nəyə görə təxəllüslə dərc olunduğu barədə də maraqlanıb.
R. Becanov sonda, anonim zənglər davam edəcəyi təqdirdə hüquq mühafizə orqanlarına müraciət edəcəyini bildirib.