Cavabdehin vəkili E. Sadıqov qəzetin Yasamal rayon ərazisində yerləşən “Ekspress nəşriyyat”da çap olunduğunu əsas gətirərək, işin Yasamal rayon Məhkəməsinə göndərilməsi barədə vəsatət qaldırdı.
Hakim A.Əliyev vəsatəti təsdiq edən hər hansı bir sənədin təqdim edilməməsini, eləcə də cavabdehin vəkilinin etibarnaməsinin olmamasını əsas gətirərək, vəsatətin təmin edilmədiyini bildirdi və prosesi 16 fevral saat 09:00-a təyin etdi.
Xatırladaq ki, millət vəkili Etibar Hüseynov “Xural” qəzetinin 23-29 yanvar 2011-ci il tarixli 0003 (411) saylı nömrəsində dərc edilmiş “Dənsiz” adlı məqalədə barəsində yalan və həqiqətə uyğun olmayan məlumatların yazıldığını bildirərək, onun şərəf və ləyaqətinə toxunan ifadələrin yer aldığını əsas gətirib və məhkəməyə müraciət edib.