Ötən həftə xəbər vermişdik ki, Məhkəmə Qərarlarının İcrası İdarəsinin Yasamal Rayon Şöbəsinin rəis müavini Zaur Abdullayevin imzası ilə “Bakı-xəbər” qəzetinin satışdan daxil olan maliyyə vəsaitlərinə həbs qoyulması barədə “Qaya”, “Qasid”, “Azərmətbuatyayım” firmalarına və qəzetin özünə məktub göndərilmişdi.
Məktubda qeyd olunurdu ki, qəzetin satışdan daxil olan maliyyə vəsaitlərinə həbs qoyulması barədə Yasamal Rayon Məhkəməsinin 28 dekabr 2007-ci il tarixində çıxardığı qərardaddan Yasamal Rayon Məhkəməsinin özünə şikayət verilə bilər.
Bunu rəhbər tutan “Bakı Xəbər” qəzetinin baş redaktoru Aydın Quliyev məhkəməyə şikayət vermişdi. Bu gün Yasamal Rayon Məhkəməsinin hakimi Tahir İsmayılovun sədrliyi ilə həmin şikayət üzrə proses keçirilib. Prosesdə Zaur Abdullayev və Aydın Quliyev iştirak edib. Hər iki tərəf razılığa gəldikdən sonra hakim qərar çıxardı. Qərara əsasən, qəzetin satışdan daxil olan maliyyə vəsaitlərinə qoyulan həbs ləğv olundu və qəzetin üzərinə hər ay kəsilmiş cərimənin bir hissəsinin ödənilməsi öhdəliyi qoyuldu.
Xatırladaq ki, Ucar rayon sakini Şahlar Ələkbərovun iddiası əsasında “Bakı-Xəbər” qəzetinin 2179 manat 40 qəpik məbləğində cərimənin ödənilməsi haqqında qərar çıxarılmışdı. Qəzet cərimənin hissə-hissə ödənilməsinə razı olduğunu bildirmişdi.
Bunu rəhbər tutan “Bakı Xəbər” qəzetinin baş redaktoru Aydın Quliyev məhkəməyə şikayət vermişdi. Bu gün Yasamal Rayon Məhkəməsinin hakimi Tahir İsmayılovun sədrliyi ilə həmin şikayət üzrə proses keçirilib. Prosesdə Zaur Abdullayev və Aydın Quliyev iştirak edib. Hər iki tərəf razılığa gəldikdən sonra hakim qərar çıxardı. Qərara əsasən, qəzetin satışdan daxil olan maliyyə vəsaitlərinə qoyulan həbs ləğv olundu və qəzetin üzərinə hər ay kəsilmiş cərimənin bir hissəsinin ödənilməsi öhdəliyi qoyuldu.
Xatırladaq ki, Ucar rayon sakini Şahlar Ələkbərovun iddiası əsasında “Bakı-Xəbər” qəzetinin 2179 manat 40 qəpik məbləğində cərimənin ödənilməsi haqqında qərar çıxarılmışdı. Qəzet cərimənin hissə-hissə ödənilməsinə razı olduğunu bildirmişdi.