İranın “Səhər” televiziyasının müxbiri Anar Bayramlı Bakı İstintaq Təcridxanasından Penitensiar Xidmətin 14 saylı Cəzaçəkmə Müəssisəsinə köçürülüb. Bu barədə “Mediaforum” xəbər saytı məlumat yayıb.
Xatırladaq ki, Anar Bayramlı fevralın 17-də saxlanılıb və onun üzərindən 0, 0387 qram heroin tapıldığı bildirilib. Jurnalistə qarşı Cinayət Məcəlləsinin (CM) 234.1-ci maddəsi (qanunsuz olaraq narkotik vasitələri, psixotrop maddələri və ya prekursorları hazırlama, istehsal etmə, əldə etmə, saxlama, daşıma, göndərmə və ya satma) ilə ittiham irəli sürülüb. Binəqədi rayon məhkəməsi isə onun barəsində iki illik həbs qərarı çıxarıb.