Bu gün (22 sentyabr) Bakı Apellyasiya Məhkəməsində hakim İsmayıl Vəliyevin sədrliyi ilə “Təzadlar” qəzetinin baş redaktoru Asif Mərzilinin Azərbaycan Mətbuat Şurasına (MŞ) qarşı iddiası üzrə Nəsimi rayon Məhkəməsinin çıxardığı 30 mart 2010-cu il tarixli qətnaməsindən verdiyi apellyasiya şikayəti üzrə məhkəmənin hazırlıq iclası keçirildi.
Prosesdə iddiaçı “Təzadlar” qəzetinin baş redaktoru Asif Mərzili və vəkili Əlirza Həbilov iştirak etsələr də cavabdeh tərəfdən heç kim prosesə qatılmayıb.
İddiaçının vəkili Ə. Həbilov cavabdeh tərəfin prosesdə iştirakının vacib olduğunu bildirdi və hakimdən prosesi təxirə salmağı xahiş etdi.
Hakim prosesi 6 oktyabr saat 15:20-ə təyin etdi.
Qeyd edək ki, məhkəmə prosesində video və foto çəkilişə icazə verilməyib.
Xatırladaq ki, “Təzadlar” qəzeti 2009-cu il sentyabr ayının 16-dan Mətbuat Şurası tərəfindən “reket nəşr” hesab olunaraq “qara siyahıya” daxil edib. Asif Mərzili bu məsələni şərəf və ləyaqətinin təhqir olunması kimi dəyərləndirərək şəxsən öz adından və hüquqi şəxs qismində “Təzadlar” qəzeti adından Mətbuat Şurasına qarşı dəymiş mənəvi ziyana görə təzminat ödənilməsi tələbi ilə iddia qaldırıb. Amma Nəsimi rayon Məhkəməsi bu iddianı rədd edib.
“Təzadlar” qəzeti 1993-cü il 14 aprel tarixindən çıxır. Əvvəl həftəlik qəzet kimi çıxsa da, 2008-ci ildən gündəlik qəzet kimi çıxır.
Foto:
İddiaçının vəkili Ə. Həbilov cavabdeh tərəfin prosesdə iştirakının vacib olduğunu bildirdi və hakimdən prosesi təxirə salmağı xahiş etdi.
Hakim prosesi 6 oktyabr saat 15:20-ə təyin etdi.
Qeyd edək ki, məhkəmə prosesində video və foto çəkilişə icazə verilməyib.
Xatırladaq ki, “Təzadlar” qəzeti 2009-cu il sentyabr ayının 16-dan Mətbuat Şurası tərəfindən “reket nəşr” hesab olunaraq “qara siyahıya” daxil edib. Asif Mərzili bu məsələni şərəf və ləyaqətinin təhqir olunması kimi dəyərləndirərək şəxsən öz adından və hüquqi şəxs qismində “Təzadlar” qəzeti adından Mətbuat Şurasına qarşı dəymiş mənəvi ziyana görə təzminat ödənilməsi tələbi ilə iddia qaldırıb. Amma Nəsimi rayon Məhkəməsi bu iddianı rədd edib.
“Təzadlar” qəzeti 1993-cü il 14 aprel tarixindən çıxır. Əvvəl həftəlik qəzet kimi çıxsa da, 2008-ci ildən gündəlik qəzet kimi çıxır.
Foto: