Bu gün Binəqədi rayon Polis İdarəsində jurnalist və hüquq müdafiəçisi İdrak Abbasovun ailə üzvlərinə qarşı basqında iştirakda şübhəli bilinən şəxslərlə üzləşmə keçirilib.
“Əslində iş Cinayət Məcəlləsinin 221.2.1-ci (Bir qrup şəxs tərəfindən ictimai qaydada vətəndaşları təhqir etmə və onlara zor tətbiq etmə, əmlaka ziyan vurma) maddəsinə tövsiv olunmalıdır. Mən vəkilimiz Elçin Sadıqovla bu məsələ barədə danışmışam, o yaxın günlərdə qeyd etdiyim problemlə bağlı vəsatət verəcək”, – deyə İ.Abbasov qeyd etdi.
Xatırladaq ki, sentyabrın 9-da saat 10 radələrində “Binəqədi OİL”un 30-50 nəfərlik “xüsusi təyinatlı”sı ağır texnika ilə Binəqədi rayon Xocasən qəsəbəsi Yuxarı Sulutəpə yaşayış massivi Ruslan Allahverdiyev küçəsində daş hasarla hörülmüş və dəmir darvazası olan həyətdə daxil olaraq İ.Abbasovun qohumlarımı vəhşiliklə döyüblər. Basqınçılar həyətə ekskavatorla darvazanı sındırmaqla daxil olublar. Daha sonra qara və mavi geyimli idmançı cüssəli şəxslər ağır ifadələrlə təhqir etməklə bərabər qohumlarını ayaq və əl zərbələri, habelə rezin dəyənəklərlə döyüblər. Habelə İ.Abbasovun qardaşı Ədalət Abbasova məxsus evin bir qismi ekskavatorla uçurulub.
Baş verən hadisə ilə bağlı İ.Abbasovun atası Telman Abbasov 4 saylı şəhər xəstəxanasının reanimasiya şöbəsində, qardaşı Ədalət Abbasov və anası Naimə Quliyeva 1 saylı Kliniki Mərkəzə (Semaşko) müalicə alıblar.