Bu gün (5 oktyabr) “Azad Azərbaycan” telekanalının bazasında yaradılan beynəlxalq telekanal “ATV-İnternational” (ATV İnt) yayıma başladı.
Bu barədə Reportyorların Azadlıq və Təhlükəsizlik İnstitutuna (RATİ) məlumat verən ATV telekanalının “Xəbərlər” departamentinin baş redaktoru Vaqif Aydınoğlu bildirdi ki, telekanalda gedən xəbərlər beş dildə, Azərbaycan, ingilis, rus, fars və erməni dillərində yayımlanacaq. V.Aydınoğlu onu da qeyd etdi ki, telekanalın yayımı üçün müvəqqəti olaraq “Türksat” peykindən istifadə olunacaq. Baş redaktorun bildirdiyinə görə, telekanalın yayımında əsas məqsəd ölkədə baş verən hadisələrin beynəlxalq ictimaiyyətə çatdırılmasıdır.
Qeyd edək ki, 5 mart 2009 cu il tarixində Milli Televiziya və Radio Şurası (MTRŞ) "ATV İnt" telekanalına 6 illik xüsusi razılıq (lisenziya) verib.