Bu gün (08 may) “Gün səhər” qəzetində yayılan məlumata görə, Ə.Əliyev “Day.az” saytından onun fikirlərini təhrif etdiyi üçün təkzib verməsini tələb edib. Amma Əliyev RATİ-yə bildirdi ki, “Day.az” rəhbərliyi ilə danışıq aparıb və sonra həmin yazıda düzəliş aparılıb: “Mən, habelə “Azadlıq” bloku Sədrlər Şurası söz azadlığı ilə bağlı ABŞ prezidenti Corc Buşun bəyanatını Azərbaycandakı reallıqlara uyğun hesab edirik.”
Qeyd edək ki, “Azadlıq” bloku Azərbaycanın barışmaz muxalifət siyasi partiyalar bloku hesab olunur. Blokda Əli Kərimlinin sədri olduğu Azərbaycan Xalq Cəbhəsi Partiyası, Lalə Şövkət Hacıyevanın lideri olduğu Azərbaycan Liberal Partiyası, və Əli Əliyevin sədri olduğu Azərbaycan Vətəndaş və İnkişaf Partiyası birləşib.