“Ramiz Mehdiyev İngiltərədə hazırda 90 jurnalistin həbsdə olmasını deyil, İngiltərənin ATƏT-dəki nümayəndəsinə istinadən İngiltərənin özündə belə məhkəmə hökmü çıxarılana qədər jurnalistin 90 gün müddətinə həbsdə saxlanıla bilməsini söyləyib.”
Bu sözləri Prezident Aparatının ictimai-siyasi şöbəsinin müdiri Əli Həsənov deyib. APA-nın yaydığı məlumatda bildirilir ki, Ə.Həsənov bunu bütün mətbuatın bilməli olduğunu vurğulayıb.
RATİ dünən APA-ya istinadən Mehdiyevin müxtəlif beynəlxalq qurumların Azərbaycan mətbuatının vəziyyətinin ağır durumda olması ilə bağlı verdikləri bəyanatların real faktlara əsaslanmadığını iddia edərək İngiltərədə istənilən şəxsi heç bir səbəb göstərmədən 90 gün ərzində həbsdə saxlamağın mümkün olduğu haqqında məlumat yaymışdı.
Lakin Ramiz Mehdiyev həmin açıqlamanı verərkən orada iştirak edən jurnalistlərin bu gün RATİ-yə verdiyi məlumata görə, Ramiz Mehdiyev istənilən şəxsi 90 gün ərzində həbsdə saxlamağın mümkün olmasını deyil, İngiltərədə hazırda 90 jurnalistin həbsdə olmasını söyləyib.