Bu gün (17 mart) Azərbaycan Respublikası Prezidenti İlham Əliyevin imzaladığı sərəncamla “Azadlıq” qəzetinin həbsdə olan baş redaktoru Qənimət Zahid (Zahidov) əfv edilib.
“AzərTAc” informasiya agentliyinin məlumatında bildirilir ki, əfv sərəncamına əsasən 62 məhbus azadlığa buraxılır, həmçinin cəzasının çəkilməsi təxirə salınmış 1 nəfər əfv olunur. 7 nəfər isə cəzanın çəkilməmiş hissəsindən azad edilir. Fərmanla ömürlük azadlıqdan məhrum edilmiş 1 şəxsin cəzası 20 illik cəza ilə əvəz edilir. Əfv olunanlar arasında cərimə cəzasına məhkum edilmiş bir nəfər də var.
Xatırladaq ki, Qənimət Zahid ( Zahidov) CM- nin 127.2.3 ( xuliqanlıq niyyəti ilə qəsdən sağlamlığa az zərər vurma ) maddəsi ilə ittiham olunaraq 3 il 6 ay, CM-nin 221-ci maddəsi ilə ittiham edilməklə isə 6 ay olmaqla ümumilikdə, 4 il müddətində azadlıqdan məhrum edilmişdi.
“Azadlıq” qəzeti 1989-cu ildən çıxır və gündəlik qəzet kimi fəaliyyət göstərir.
Xatırladaq ki, Qənimət Zahid ( Zahidov) CM- nin 127.2.3 ( xuliqanlıq niyyəti ilə qəsdən sağlamlığa az zərər vurma ) maddəsi ilə ittiham olunaraq 3 il 6 ay, CM-nin 221-ci maddəsi ilə ittiham edilməklə isə 6 ay olmaqla ümumilikdə, 4 il müddətində azadlıqdan məhrum edilmişdi.
“Azadlıq” qəzeti 1989-cu ildən çıxır və gündəlik qəzet kimi fəaliyyət göstərir.