“Azadlıq” qəzetinin internet saytı (www.azadliq.az) öz fəaliyyətini bərpa edib.
Bu xəbəri Reportyorların Azadlıq və Təhlükəsizlik İnstitutuna (RATİ) qəzetin baş direktoru Azər Əhmədov verib. Onun sözlərinə görə, 2008-ci ildə iki dəfə xakerlər tərəfindən dağıdılmış sayt məhdud büccə ilə yenidən yaradılsa da çox fəaliyyət göstərə bilmədi.
Yenidən bərpa olunmuş saytın mükəmməl olmasa da üzərində iş getdiyini bildirən A. Əhmədov, növbəti iş həftəsində qəzetlərin çıxması ilə əlaqədar saytda xəbərlərin yenilənəcəyini və maddi imkanların yaxşılacağı təqdirdə saytın on-line xidmətinə keçəcəyini də söyləyib.