“Azərbaycanda insan hüquqları vəziyyəti kritik həddə çatıb. Biz demək olar ki, hər gün ifadə və toplaşma azadlığı hüquqlarını həyata keçirməklə əlaqədar olaraq, bloggerlər, jurnalistlər və digərlərinə qarşı qanun pozuntuları barədə məlumatlar alırıq. Belə bir sual ortaya çıxır: daha neçə nəfər həbs olunmalı və ya döyülməlidir ki, Avropa Şurası Üzv Dövləti məsuliyyətini dərk edən addımlar atsın? Avropa Şurasına etimad məhz belə idarəetmədən asılıdır,” – deyə ARTİKL 19 təşkilatının İcraçı Direktoru Anye Kalamaar bildirib.
ABTQ-nu narahat edən sahələrə daxildir: etirazlarla əlaqədar olaraq, bloqqerlərin və fəalların həbs olunması (onlardan bəziləri siyasi motivli ittihamlarla uzunmüddətli həbslə üzləşə bilər); demokratiya və insan hüquqları sahəsində fəaliyyət göstərən QHT-lər üzərində təzyiqlərin artması, o cümlədən Azərbaycan İnsan Hüquqları Evinin bağlanması; hakimiyyəti tənqid etmələri ilə əlaqədar iki jurnalistin oğurlanıb döyülməsi və Avropa İnsan Hüquqları Məhkəməsinin qərarına baxmayaraq, jurnalist Eynulla Fətullayevin həbsdə saxlanması.
“Planlaşdırılan etiraz mitinqlərindən əvvəl belə həbslərin həyata keçirilməsi bizi dərindən narahat edir, bu o deməkdir ki, hakimiyyət insanları hətta ifadə azadlığı hüququnu həyata keçirməyə başlamadan susdurmağa çalışır,” – deyə RATİ sədri Emin Hüseynov bildirib.