Bu gün (21 iyul) Azərbaycan Media Mərkəzində Azərbaycan Jurnalistlər Birliyi Azərbaycan Milli Mətbuatının 135 illiyi münasibətilə bir neçə jurnalisti “Həsən bəy Zərdabi” mükafatı ilə təltif edib.
Mükafata “Yeni Nəsil” Jurnalistlər Birliyinin sədri Arif Əliyev, “Azərbaycan” radiosunun əməkdaşı Hikmət Nuriyev, “Üç nöqtə” qəzetinin əməkdaşı Pünhan Əfəndiyev, Azərbaycan Jurnalistlər Birliyinin üzvləri – Rafiq Oday və Mirələkbər Ağayev, “Şərq” qəzetinin baş redaktoru Akif Aşırlı və AzTV-nin əməkdaşı Fəturə Nəbiyeva layiq bilinib.
Mərasimdə Azərbaycan Jurnalistlər Birliyinin rəhbəri Elçin Şıxlı qeyd edib ki, Azərbaycan mətbuatı yubileyini nailiyyətlərlə yanaşı, həm də problemlərlə qarşılayır. Bu, mətbuat azadlığı, peşəkarlıq və sairə ilə bağlıdır. O, qeyd edib ki, gənc qüvvələrin mətbuata gəlişi ilə mövcud problemlər də aradan qaldırılacaq.