Bu gün (16 oktyabr) Reportyorların Azadlıq və Təhlükəsizlik İnstitutunun (RATİ) mətbuat mərkəzində “Milli Yol” qəzeti və “Poliqon” İnformasiya Agentliyinin baş redaktoru Şahin Ağabəyli Azərbaycanda jurnalistlərin müdafiəsi ilə bağlı yeni təşkilat yaratması ilə əlaqədar mətbuat konfransı keçirdi.
“Azərbaycan Jurnalistlərinin Azad Həmkarlar Klubu” adlanan təşkilatla bağlı məlumat verən Ş. Ağabəyli bildirdi ki, təşkilatın yaradılmasında əsas məqsəd jurnalistlərin istismarının qarşısını almaq, onların hüquqlarının pozulması ilə bağlı ətraflı məlumat toplamaq və informasiya yaymaqdır. “Jurnalistləri işə götürərkən onlarla əmək müqavilələri bağlanmır ki, bu da ən böyük hüquq pozuntularından biridir. Buna görə də baş redaktorlarla görüşlər keçirəcək və bu problemlərin aradan qaldırılmasına kömək edəcəyik”.
Ş.Ağabəyli həmçinin qeyd etdi ki, RATİ, ASİ klub və digər jurnalist qurumları, o cümlədən mətbu orqanlarla da əməkdaşlıq edəcəklər. Klubun fəaliyyəti, toplanmış informasiya Pia.az saytı vasitəsilə ictimaiyyətə çatdırılacaq.
Ş.Ağabəyli həmçinin qeyd etdi ki, RATİ, ASİ klub və digər jurnalist qurumları, o cümlədən mətbu orqanlarla da əməkdaşlıq edəcəklər. Klubun fəaliyyəti, toplanmış informasiya Pia.az saytı vasitəsilə ictimaiyyətə çatdırılacaq.