“AYAN” QƏZETİNƏ QARŞI MƏHKƏMƏ PROSESİ TƏXİRƏ SALINDI

Bu gün (25 noyabr) Bakı Apellyasiya məhkəməsində hakim Camal Ramazanovun sədrliyi ilə “Viləşçay” Su Anbarının direktoru Ağabəy Ağayevin “Ayan” qəzetinə qarşı qaldırdığı iddia üzrə Nəsimi rayon məhkəməsinin çıxardığı qərardan verilmiş apellyasiya şikayəti üzrə məhkəmə prosesi keçirilib.

Prosesdə iddiaçının nümayəndəsi İlham Əhmədov, cavabdeh tərəfdən isə “Ayan” qəzetinin təsisçisi və baş redaktoru Cavid Ələsgəroğlu iştirak edirdi.

C.Ələsgəroğlu digər cavabdehlər – məqalə müəllifi Vasif Turan (Soltanov) və həmin dövrdə qəzetin baş redaktoru olmuş Sadiq Nəbiyevin prosesdə iştirak edə bilmədikləri üçün prosesin təxirə salınması ilə bağlı vəsatət qaldırdı.
Hakim vəsatəti təmin edərək növbəti prosesi 2 dekabr saat 15:15-ə təyin etdi.
Xatırladaq ki, Heydər Əliyev adına “Viləşçay” Su Anbarının direktoru Ağabəy   Ağayev “Ayan” qəzetində dərc olunmuş “1000 nəfərin həyatı təhlükədədir” başlıqlı yazıda gedən fikirləri böhtan hesab edərək qəzetin  50 min manat cərimə edilməsi və təkzib verməsi ilə bağlı iddia qaldırmışdı. Lakin Nəsimi rayon məhkəməsinin 9 oktyabr tarixli qərarına əsasən iddia əsassız hesab edilərək, təmin olunmamışdı. İddiaçı tərəf qərarla razılaşmadığı üçün apellyasiya şikayəti verib.

Previous Post

“GÜNDƏLİK BAKI” QƏZETİNƏ QARŞI MƏHKƏMƏ PROSESİ KEÇİRİLİB

Next Post

NOVRUZƏLİ MƏMMƏDOVUN DİAQNOZU İLƏ MÜALİCƏSİNİN ADEKVATLIĞININ TƏYİN OLUNMASI İLƏ BAĞLI EKSPERTİZA TƏ

Leave a Reply

Your email address will not be published.

Start typing to see posts you are looking for.