GƏNC FƏAL TELEFONLA “BƏRK DANIŞMAQ” İTTİHAMI İLƏ SAXLANILIB

Martın 4-də AXCP Gənclər Komitəsinin üzvü, gənc fəal  Dəyanət Babayev  Nəsimi rayon Polis İdarəsinin əməkdaşları tərəfindən saxlanılıb. Bu barədə bu gün (7 mart) Reportyorların Azadlıq və Təhlükəsizlik İnstitutuna (RATİ) Azərbaycan Xalq Cəbhəsi Partiyasının (AXCP) Gənclər Komitəsinin sədri Əbülfəz Qurbanlı məlumat verib.

“Dəyanət Babayev küçədə telefonla danışa-danışa gedərkən, Nəsimi rayon Polis İdarəsinin polis əməkdaşları onu saxlayaraq, küçədə ucadan telefonla danışmasının səbəb gətiriblər və onu polis bölməsinə aparıblar. Daha sonra ona 10 gün həbs cəzasının verildiyi məlum olub. Hal –hazırda Dəyanət Binəqədidəki təcridxanada saxlanılır. Dünən vəkil Əsabəli Mustafayev onunla görüşməyə cəhd eləsə də, bu baş tutmayıb”, –deyə bildirən Ə. Qurbanlı əlavə etdi ki, Dəyanət Babayevin siyasi bir səbəbdən həbs edilməsini istisna etmir və bu həbs gənc fəalların qarşısını almaq, eləcə də qarşıda gözlənilən aksiyalarda gənclərin mövqeyini zəiflətmək məqsədilə edilib.

Vəkili  Əsabəli Mustafayevlə isə Dəyanət Babayev bildirib ki,  isə   MTN tutub, polisə təqdim edib. İnternet klubundan onu üç nəfər mülki geyimli şəxsin tutub apardığını, həmin şəxslərin kimlərləsə telefonla məsləhətləşdikdən sonra onu Nəsimi rayon 22-ci polis bölməsinə gətirdiyini deyir. Dəyanət bildirir ki, avtomobildə aparıldığı zaman nəyə görə tutulduğu ilə maraqlanıb, onu tutanlar da bunu müxalifətin martın 11-ə planlaşdırdığı mitinqlə izah ediblər. Bölmədə polis işçilərinə təhvil verildikdən sonra indiyə kimi üzünü görmədiyi üç polis əməkdaşı Dəyanətin üzünü durub. Polislər Dəyanətin guya onları təhqir etdiyini bildiriblər. Dəyanət Babayev martın 4-ü axşam saatlarında yoxa çıxmış, sonradan onun barəsində inzibati həbs seçildiyi məlum olmuşdu.