Bu gün (18 avqust) Binəqədi rayon Məhkəməsində hakim Maarif Kazımovun sədrliyi ilə “ANS” Şirkətlər Qrupunun
“Yeni Müsavat” qəzetinə qarşı iddiası üzrə məhkəmə prosesi keçirilib. “Yeni Müsavat” qəzetinin baş redaktorunun müavini Azər Ayxanın RATİ-yə verdiyi məlumata görə, hakim mübahisəyə səbəb olan məqaləni Elmlər Akademiyasının Dilçilik İnsititutunun Ekspertizasına göndərilməsi barədə qərar qəbul edib. Ekspertizadan cavab gələnə qədər məhkəmə baxışı təxirə salınıb.
Xatırladaq ki, iddiaya səbəb “Yeni Müsavat” qəzetinin 13 may 2008-ci il tarixli sayında yazılan “Hərbi nazir aparat rəhbərinə qarşı” başlıqlı məqalənin dərc olunması olub.