Bu gün (24 iyun) Naxçıvan Muxtar Respublikası Ordubad rayonunun Kələki kəndində Milli Azadlıq Hərəkatının lideri, 20-əsirin sonunda milli məfkurəmizin banisi Əbülfəz Elçibəyin 72 yaşı qeyd olunub. Tədbirdə Kələki kənd sakinləri və Muxtar Respublikamın bütün rayonlarından Elçibəy sevərlər iştirak edib.
Ə. Elçibəyin qohumlarının bildirdiyinə görə, tədbir Bütöv Azərbaycan Birliyinin dəstəyi ilə hazırlanıb. 5 saatdan artıq davam edən tədbirdə Muxtar Respublikada fəaliyyət göstərən siyasi partiyaların Naxçıvan Muxtar Respublika təşkilatlarının sədrləri və Elçibəyin yaxınları çıxış ediblər. Məktəbli uşaqlar isə Elçibəy haqqında şerlər deyərək rəqs ediblər.
Xatırladaq ki, 10 ildir 24 iyun Ə. Elçibəyin anadan olduğu gün həmdə Türkçülük günü kimi Kələki kəndində qeyd olunur. Digər dövlət tədbirlərindən fərqli olaraq bura gələnlər sırf Elçibəy sevgisi ilə toplananlardır.
Xatırladaq ki, 10 ildir 24 iyun Ə. Elçibəyin anadan olduğu gün həmdə Türkçülük günü kimi Kələki kəndində qeyd olunur. Digər dövlət tədbirlərindən fərqli olaraq bura gələnlər sırf Elçibəy sevgisi ilə toplananlardır.
ELMAN ABBASOV