Dünən ( 09 oktyabr ) Mərkəzi Seçki Komissiyası (MSK) Müstəqil Mətbuat Mərkəzinin təqdimatını keçirib.
Bu barədə “Yeni Müsavat” qəzetinin bu günkü (10 oktyabr) sayında xəbər verilir. Mərkəzin açılışı zamanı MSK-nın sədri Məzahir Pənahov bildirib ki, mərkəzin Azərbaycanda keçiriləcək prezident seçkisi ərəfəsində prezidentliyə namizədlərin, siyasi partiyaların nümayəndələri və ümumuyyətlə seçki ilə bağlı fikirlərini ictimaiyyətə çatdırmaq istəyənlərin üzünə açıq olacaq. Mərkəz sutka ərzində KİV nümayəndələrinin istifadəsində olacaq. M.Pənahovun sözlərinə görə, mərkəzdəki xidmətlərdən istifadə etməklə həm KİV nümayəndələri informasiyanı öz redaksiyalarına çatdıra bilərlər, həm də siyasi partiyalar, MSK üzvləri ilə jurnalistlər arasında görüşlər keçirilə bilər.