Dünən (23 dekabr) Reportyorların Azadlıq və Təhlükəsizlik İnstitutunun (RATİ) Naxçıvan üzrə bölgə müxbiri Həkimeldostu Mehdiyev və “Azadlıq” radiosunun Naxçıvandakı bölgə müxbiri Məlahət Nəsibova Bələdiyyə seçkilərinin gedişini izləmək və məlumat almaq üçün məntəqələrə buraxılmayıblar.
H.Mehdiyevin bildirdiyinə görə, Naxçıvan Muxtar Respublikası ərazisində olan 1 saylı Şərur-Sədərək, 2 saylı Şərur, 3 saylı Babək-Kəngərli Dairə Seçki Komissiyalarının ərazisində olan məntəqə seçki komissiyalarına daxil olmalarına icazə verilməyib. “Özünü 3 saylı dairə seçki komissiyasının 40 saylı məntəqəsinin sədri kimi təqdim edən Azər İsmayılov təlimatın yuxarıdan verildiyini bildirdi. Biz yalnız 4 saylı dairə Seçki Komissiyasının 15 saylı məntəqəsinə daxil olub orada seçkilərin gedişi ilə maraqlana bildik. Yol üzərində rastlaşdığımız məntəqələrin hamısında bizə məntəqələrə girməyin qadağan edildiyini bildirdilər” – deyə H.Mehdiyev bildirib.